Ommen heeft een Vechtzomp: “Hanzestad Ommen”. Jan Woelders maakte er het volgende gedicht over.

27 april 2023, de officiële tewaterlating van de Vechtzomp ‘Hanzestad Ommen’

De Vechtzomp van Ommen

De Vechtzomp van Ommen, die is eindelijk kloar,
Hij is e’deupt op 27 april dit joar.

’n Bult vrijwilligers hebt in hun vrie’je tied vulle wark verstouwd,
Doar bie de mölle van Anton, doar hebt z’um e’bouwd.

Van 2020 tot 2023, onder leiding van n’echte scheepstimmerman,
Zodat de replica van de platbodem, net as vrögger op de Vechte vaar’n kan,

Met veul inzet bint problee’m oaver wun’n, en dat hebt ze goed an e’pakt.
En zo is de Vechtzomp van Ommen een levend arfgoed e’wun, en das knap wark!

De Vechtzomp vaart sind’s 27 april op de Vechte,
En kreeg de name “Hanzestad Ommen” en das ök terecht.

De Ommer Vechtzomp, een schip van holt, doar kan Ommen trots op wé.
Een stukkie geschiedenis van Ommen dat mutte wi’j niet vergett’n dan pas bint wi’j tevré.

Het verhaal van d’olde schippers met hun Vechtzomp,
Die handel dree’m met Nederland en Duutslaand, ok met smokkelwaar onder an n’romp.

Doar hén onderander met krûdn en holt, en terug’e met Bentheimer zandsteen as vracht,
Noe kui’j geniet’n van het mooie Vechtdal in al zien pracht.

Met de Vechtzomp, ku’j mooie dagtocht’n maak’n, zelfs met’n verhaalverteller an board,
Dat de geschiedenis en de natuur verbindt, en dat mut goed wörden verwoord.

Vechtdal met zien gruune oevers, bos’n, weide en nie te vergett’n historie van Ommen, is ök biezonder.
Loat de Bisschop Otto maar kom’n, dan kanne de “Hanzestad Ommen” hier, bewonder’n.

Ik ben Jan Woelders en woon in het zorgcentrum Oldenhaghen. Ik heb dit gedicht in het Ommer dialect over de Ommer Vechtzomp zelf gemaakt en geschreven. Ik hoop dat u het leuk vindt of misschien nog suggesties of aanvullingen hebt.

Jan Woelders, Ommen juli 2023